ساداتكو وعباسكو للكلوتات الجامدة
لا استطيع انا أنكر ان وائل عباس من انشط المدونين فى مصر ولكن ساعات كدة بتجيلة هفوات وبينسى نفسة , على سبيل المثال كلامة عن مشروع الكلتات ان كان بين والدة والرئيس السادات وان ازاى والدة والسادات كانوا بيفكروا يعملوا اكبر مصنع كلتات فى مصر وأقل اية علشان يعملوا دعاية جيدة لفكرة مصنع الكلتات يصوروا مع بعض وهما لابسين الاندر وير ما علينا . y
المهم ياعم وائل ما احترامى لحضرتك ولنشاطك السياسى حاول يكون نقدك بناء فى أى موضوع تثيرة على سبيل المثال مقالك السابق عن أعدام الرئيس صدام حسين فمن خلال كلامك ان كتبتة عرفت فعلا ان انت ما ينفعش تكتب او تحلل اى كلام فى السياسة وان افضل ليك تتخصص فى الحريات وبلاش هرتلة فى الفاضى والتكلم بلسان او بكلام بيرددة الاعلام الامريكى ( لمو أحذة )نكلم بقى بجد ياوائل : انت قلت ان صدام حسين كان يستاهل الاعدام وان هو اخرتة جهنم وان هو كان ديكتاتور ,أ نا معاك ان صدام كان ديكتاتور وانة هو سبب المأسى التى يعانى منها العراقيين حتى الأن, بس دة مبرر لغزوة من قبل الامريكان وقوى الامبريالية الاخرى فى العالم وهل هذا مبرر ايضا لاعدامة بهذة الصورة البشعة , وبعدين صدام مثلة مثل باقى الرؤساء العرب من استخدام الغطرسة والقهر ضد شعوبهم كمبارك وبشار وملك السعودية ورئيس اليمن
على فكرة أنا مش ناصرى ولا حاجة ولا من مغرمى صدام حسين , انا شايف ان صدام كان ديكتاتور وفاشيست وانة ورط الشعب العراقى فى حروب بلا مبرر كالحرب مع ايران وبغزوة الكويت بس المفروض اذا أردت يامستر وائل ان تحكم على اى حد المفروض تبين كل النقط
مش بعيد امريكا تحتل سوريا بعد كدة ويعدموا بشار الاسد ونلاقيك مرحب باعدامة على اساس انة كان ديكتاتور وورط شعبة فى مشاكل كبيرة
المهم ياوائل انا خايف ان الجوجل تقفلى المدونة بتاعتى بعد ما عملوها مع العظيمة نوارة نجم فلو ممكن تكلمهم وتوصيهم على مدونتى بما انك ليك علاقات جامدة بلى بالى بالك
وبعدين يامستر وائل عيب قوى اما تدلى بتصريحات للصحف وتقول ان كريم عامر متهور ولا يعى ما يقولة على مدونتة على العلم ان كريم عامر يفوقك بكثير من الثقافة والوعى الفكرى والسياسى فلوسمحت ياوائل بلاش كدة وخليك فى نفسك ياأمور
